Богдхан уулын дархан цаазат газрын Хамгаалалтын захиргаанаас Тусгай хамгаалалттай газар нутгийн орчны бүсийн сургуулиудын сурагчдад экологийн боловсрол олгох зорилгоор “ХҮН БҮР БАЙГАЛЬ ХАМГААЛАГЧ” сэдэвт сургалтыг 2023 оны 10 дугаар сарын 13-ны өдөр Нийслэлийн Баянзүрх дүүргийн ерөнхий боловсролын 88-р сургууль дээр зохион байгууллаа. Тус сургалтанд 130 гаруй сурагч мөн тус сургуулийн багш, ажилчид хамрагдлаа. 
Сургалтанд: ХАМГААЛАЛТЫН ЗАХИРГААНЫ- Аялал жуулчлал, сургалт сурталчилгаа, гадаад хамтын ажиллагаа, орчны бүс хариуцсан мэргэжилтэн Д.Халиун “Хүн бүр байгаль хамгаалагч” сэдэвт илтгэл тавив.- Байгаль хамгаалагч М.Мэндсайхан сонирхолтой асуултуудад хариулж, байгалиа хамгаалахын ач холбогдол, байгаль орчны тухай хуулийн хэрэгжилт, хяналт шалгалттай холбоотой мэдээ мэдээллийг сурагчдад өгч байлаа. Хамгаалалтын захиргаанаас тус сургалтыг 2023 оны 10 болон 11 дүгээр саруудад үе шаттайгаар зохион байгуулах ба Төв аймаг ерөнхий боловсролын сургуулиудын сурагчид болон Нийслэлийн Хан-Уул, Баянзүрх дүүргийн сургуулиудад зохион байгуулахаар төлөвлөөд байна.
