Арванхоёрдугаар сарын 19-ний шөнө Хан-Уул дүүргийн нутаг дэвсгэрт орон сууцанд гал гарч, 7 хүн амиа алдсан. Тэдний 5 нь нэг гэр бүлийн хүмүүс бол нэг нь галын бүсэд ажилласан онцгой байдлын аврагч байсан.
Харин түймэрт өртсөн хөрш айлдаа туслах гэж яваад амиа алдсан эмэгтэй нийгмийн ажилтан хүн байжээ. Тэрээр Сүхбаатар дүүргийн Гэр бүл, хүүхэд залуучуудын хөгжлийн хэлтэст ахлах мэргэжилтнээр 4 жил ажиллаад, өнгөрсөн оноос номын дэлгүүрт ажиллаж байжээ. Талийгаач уг айлын дээд давхарт амьдардаг бөгөөд түймрийн үед тусламж үзүүлэх гэж очоод өөрөө амиа алдахад хүрчээ.
Гэр бүл, хүүхдийн төлөөх чин сэтгэлээрээ бусдад туслах гэж яваад амиа алдсан баатарлаг эмэгтэйн гэр бүлд гүн эмгэнэл илэрхийлье.
