Дэлхийн морьт харвааны холбооноос /WHAF/ Саудын Арабын хаант улсад зохион байгуулсан “Al-Ula Horseback Archery World CUP” ДАШТ энэ сарын 16-18-ны хооронд болж өндөрлөв. Тэмцээн Унгар /Kassai/, Солонгос /Serial shot/ Qabaq гэсэн төрлүүдээр зохион байгуулагджээ.
Тус тэмцээнд WHAF World Cup 2023 Qualifier тэмцээнээс эрхээ авсан 11 улсын 44 морьт харвааны тамирчид өрсөлдсөнөөс:
Монгол улсын тамирчин О.Түмэнбаяр Унгар төрөлд /Kassai/ II байр эзэлж мөнгөн медалийн эзэн боллоо.
Багийн дүнгээр, Саудын Арабын Хаант улсын баг I байр, Бүгд Найрамдах Казахстаны улсын баг II байр, Исламын Бүгд Найрамдах Иран улсын баг III байр, Монгол улсын баг IV байр тус тус эзэллээ.
