Гадаадад гарсан япон цагаачдын дөрөвдүгээр үеийн үр сад болох хүмүүст Япон улс байнгын оршин суух эрх олгох болсныг өчигдөр буюу Баасан гарагт тус улсын засгийн газар зарлажээ.
Ингэхдээ япон хэлний мэдлэгийн тодорхой шалгуур тавих юм байна.
Шинэ журам ирэх долоо хоногоос хэрэгжиж эхлэхээр болжээ.
2018 онд батлагдсан өмнөх журмаар дөрөвдүгээр үеийн цагаачдаас зөвхөн 18-30 насны хүмүүст тав хүртэл жилийн хугацаанд тодорхой салбаруудад ажиллах виз олгодог байсан юм. Ингэхдээ гэр бүлийн гишүүдээ Японд дагуулж ирэхийг хориглодог байв.
Японы эрх баригчид энэ журмаар гадаадаас 4,000 хүртэл тооны япон гаралтай цагаач хүлээж авах зорилт тавьсан ч 2022 оны байдлаар ердөө 128 хүн ирж байжээ. Тиймээс энэ удаа шаардлагаа сулруулж, илүү их боломж олгохоор болсон байна.
Өмнөх журмаар ирсэн цагаачдын хамгийн олон нь Бразилаас, дараа нь Филиппин, Перу улсуудаас ирж байжээ.
Эдгээр улс орнуудад 19, 20 дугаар зуунд олон тооны япон хүн цагаачилж байсан юм.
Шинэ журамд насны дээд хязгаарыг 35 болгожээ.
Японд таван жил амьдарсныхаа дараа цагаачид япон хэлний шалгалтын (JLPT) N2 түвшнийг хангаж байвал цаашид байнга оршин суух эрх олгохоор болжээ.
Мөн гэр бүлээ Японд авчрах боломжтой болох юм байна.