Улсын Дуурь бүжгийн эрдмийн театрын ерөнхий балетмейстер Д.Дашлхагва нь хуурамч дипломтой байжээ. ГИТС гэх ОХУ-ын сургуулийг төгссөн диплом нь хуурамч гэдгийг нь тус сургуулиас 2017 онд Улаанбаатар театрт бичиг явуулж байжээ. Учир нь тэрбээр 2017 онд Улаанбаатар театрт ажиллаж байхад нь тус бичиг ирснээр ажлаасаа халагдаж байж.
Ийм хүнийг ДБЭТ-ын захирал асан Ц.Төвшинтөгс ДБЭТ ерөнхий балетмейстераар ажилд аван өнөөдрийг хүртэл ажилласаар байна.
Тэрбээр хуурамч дипломтойгоор зогсохгүй бүжигчдэдээ янз янзын дарамт үзүүлдэг сурагтай. Жишээ нь өнгөрсөн жилийн наадмаар балетчин залууг бүх урлагийн ажилчдын өмнө зодож танхайрч байсан байна. Мөн хэдхэн хоногийн өмнө МУГЖ Д.Алтанхуягийн Цөмөөхэй балетад оролцох хүүхдүүдийг өвлийн хүйтэнд заалнаасаа хөөн гаргасан гэх мэт асуудлууд болон ёс бус янз бүрийн ёс зүйн алдааг байнга гаргадаг залуу үеээ дэмжидэггүй тэднийг хясан боогдуулдаг чөдөр тушаа болж буй бугшсан энэ мэт нөхдийг салбарын сайд нь цэгцлэх цаг болсон баймаар юм.
Мөн тэрбээр Жизель болон Щелкунчик балетыг олон зуун жил уламжлагдаж ирсэн сонгодог хэв маягийг нь өөрчилж тоглуулсан нь үзэгч олонд маш муугаар үнэлэгдэн мэргэжил нэгт нөхдүүд болон балетын ахмад уран бүтээлчид хүртэл шүүмжилж академик сонгодог театрыг ингэж мэргэжлийн бус болгон доромжилж болохгүй гэх мэтээр хатуу шүүмжлэн дургүйцлээ илэрхийлж байжээ. Ямар ч л гэсэн мэргэжлийн түвшинд нэлээн тааруухан уран бүтээлүүд болсон бололтой. Арга ч үгүй биз дээ номын дууг нь сонсож сургууль соёлд нь сураагүй хүн яаж ч шинэ уран бүтээл хийх билээ дээ.
Гэвч өнөөдрийг хүртэл тэрхүү уран бүтээлүүд нь тоглогдсоор, хуурамч дипломтой Д.Дашлхагва нь ажилсаар байна.
Соёлын яам болон ДБЭТ нь энэ хүнийг хуурамч дипломтой гэдгийг нь мэдчихээд мэдээгүй юм шиг дуугүй байвал энэ яам байх хэрэг байна уу? Соёлын сайд Ч.Номин та энэ мэт чөдөр болсон албан тушаалтнаасаа салж өөрийн салбартаа шинчлэл хийх эхний ажил хүлээгдсээр байна!
