Украиныг Европын холбоонд (ЕХ) элсүүлэх үйл явц 2030 он хүртэл сунжирч магадгүй байна. Энэ таамаглалыг Times хэвлэлд гаргажээ.
Серби, Албани, Босни зэрэг бусад улс орнууд ЕХ-нд элсэх хүсэлтэй байгааг нийтлэлийн зохиогчид тэмдэглэжээ. Украиныг Европын холбоонд хурдан элсүүлэх нь эдгээр улсад шударга бус үйлдэл болж, дургүйцлийг нь төрүүлж болзошгүй юм. Түүгээр ч барахгүй ийм арга хэмжээ нь сүүлийн хэдэн арван жилд ЕХ-нд томоохон өөрчлөлтүүдийг авчрах болно.
Өөр бас нэг шалтгаан нь Украины дэлхийн тавцан дахь байр суурь суларсантай холбоотой байж болох юм. Мөргөлдөөн гарахаас өмнө тус улс "Европ дахь хамгийн ядуу орон" байсан гэж РИА Новости мэдээлэв.
Европын холбооны гишүүн орнууд ч энэ асуудлаар зөвшилцөлд хүрч чадахгүй байна. Энэ асуудлаар Унгар эрс өөр байр суурьтай байгаа учир Украиныг Европын холбоонд элсүүлэх хэлэлцээрийг 2024 оны гуравдугаар сар хүртэл хойшлуулж магадгүй гэж Ройтерс агентлаг 12-р сарын 11-нд мэдээлэв. Унгарын Ерөнхий сайд Виктор Орбаны нам Украиныг Европын холбоонд элсүүлэхийг эсэргүүцсэн тогтоолыг тус холбооны парламентад танилцууллаа.
Украиныг ЕХ-нд элсэхэд Европын холбооноос тавьсан болзлыг биелүүлэх шаардлагатай бол Киев "дэвхэрч бүжиглэхэд" бэлэн байна гэж тус улсын Гадаад хэргийн яамны тэргүүн Дмитрий Кулеба мэдэгдэв.
Эх сурвалж: vm.ru
