Өнгөрөгч 14-ний өдөр ард иргэдтэйгээ хийсэн шууд ярилцлагын үеэр Владимир Путин Украинд тулалдаж буй Оросын цэргийн бүлэглэлийн хэмжээ, бүрэлдэхүүнтэй холбоотой зарим тоог дурдсан юм. ОХУ-ын ерөнхийлөгчийн хэлснээр Украин дахь “цэргийн тусгай ажиллагааны” бүсэд Оросын 617 мянган цэрэг байгаа.
Тодотговол, "Хориглолтын шугамын урт хоёр мянга гаруй километр, байлдааны бүсэд 617 мянган хүн байна". Үүнээс 244 мянга нь 2022 оны намар эхэлсэн эхний давалгааны үеэр дайчлагдсан байна.
"Бид хэсэгчилсэн дайчилгаа явуулж, 300 мянган хүнийг татсан. Одоо миний бодлоор 244 мянга нь шууд байлдааны бүсэд байгаа. Үлдсэн 41 мянга нь насны дээд хязгаар болон эрүүл мэндийн шалтгааны улмаас халагдсан" гэж тэр хэлэв.
2023 оны эхнээс дайчилгааны эхний давалгаа дууссаны дараа эрх баригчид цэргийн алба хаах гэрээ байгуулах ажлыг эрчимжүүлсэн. Хэвлэлийн бага хурал хийх үеэр Путины хэлснээр нийт 486 мянган хүн ийм маягаар элссэн байсан бөгөөд оны эцэс гэхэд энэ тоо бараг хагас сая болж өснө.
Орост одоогоор шинэ дайчилгаа төлөвлөөгүй гэж Путин мэдэгдэв. “Өнөөдөр ийм шаардлага байхгүй байна” гэж тэр хэлжээ.
Эх сурвалж: ВВС
