Сири, Ливи нь 2024 онд аялахад хамгийн аюултай таван орны тоонд багтжээ. Судалгааны үр дүнг эрсдэлийн үнэлгээний International SOS фирмээс жил бүр хийдэг судалгааны тайланд үндэслэжээ.
Мөн жуулчдад очихыг зөвлөдөггүй орнуудын тоонд Өмнөд Судан, Афганистан, Сомали орно. Өмнөд Суданыг аюулгүй байдалд маш их аюул заналхийлж буй орон гэж тодорхойлдог. Судалгааны зохиогчдын үзэж байгаагаар "зэвсэгт бүлэглэлүүд аялагчид болон олон улсын төлөөлөгчдийн эсрэг хүчирхийллийн халдлага үйлдэх" ноцтой эрсдэлтэй байдаг.
International SOS мөн 2024 онд аялахад хамгийн аюулгүй улс орнуудын жагсаалтыг хуваалцжээ. Үүнд Исланд, Люксембург, Норвеги, Швейцарь, Дани багтсан.
Исланд улс хүчирхийллийн гэмт хэргийн гаралт бага, улс төрийн хүчирхийлэл байхгүй, гадаадын иргэдийн эсрэг шашин шүтлэг, арьс өнгөөр ялгаварлан гадуурхах гэмт хэрэг цөөн байдгаараа нэгдүгээрт жагсчээ.
Эх сурвалж: Лента.ру
