Үндэсний аюулгүй байдлын зөвлөлийн Нарийн бичгийн дарга Ж.Энхбаяр үүрэгт ажлаа өгөхөөр болжээ.
Учир нь ирэх 2024 оны сонгуульд нэр дэвших бэлтгэлээ базаахаар ийнхүү ажлаа өгч, Сэлэнгэ аймагт нэр дэвшихээр сонгуулийн ажилдаа орж байгаа сурагтай.
Түүний хувьд Улаанбаатар хотын гааль, Гаалын ерөнхий газар, Мэргэжлийн хяналтын ерөнхий газруудад ажиллаж байгаад 2012 онд анх УИХ-ын гишүүнээр сонгогдож, Батлан хамгаалахын сайдаар томилогдож байсан.
Эргэн сануулахад, Ж.Энхбаяр нь Боловсролын зээлийн сангаас 2003 онд Нидерланд улсын Маастрихтын удирдлагын сургуульд суралцахдаа 6 мянган ам.долларын зээл авсан бөгөөд энэхүү зээлээ төлөөгүй байна. Түүний хувьд УИХ-ын Аюулгүй байдал, гадаад бодлогын байнгын хорооны дарга болон Батлан хамгаалахын сайдаар ажиллаж байсан юм.
2.2 тэрбум төгрөгийн орлого, 1.4 тэрбум төгрөгийн үл хөдлөх хөрөнгөтэй гэж ХОМ мэдүүлсэн атлаа 20 жилийн өмнөх 6 мянган ам.долларын өрөө өнөөдрийг хүртэл төлөөгүй яваа нэгэн.
Боловсролын зээлийн сангаас зээл авч гадаад улсад сураад зогсохгүй ЖДҮ сангаас хамаарал бүхий компаниудаараа зээл авч явсан түүхтэй. ЖДҮ сангийн зээлээр бизнесээ босгосон гэх ч яриа байдаг юм.
