Цагдаагийн байгууллагын дотоод хяналтаар гэмт хэргийн шинжтэй байж болзошгүй үйлдлийг илрүүлэн шалгах явцад цагдаагийн алба хаагч "Т" нь хэргийн холбогдогчтой холбоотой байж болзошгүй нөхцөл байдлыг илрүүлж, тогтоосон ба хууль, журмын хүрээнд мөрдөн шалгах ажиллагаа үргэлжилж байгаа мэдээллийг бид өмнө нь хүргэсэн.
Тодруулбал, ЭЦА-ны Кибер гэмт хэрэгтэй тэмцэх хэлтсийн мөрдөгч, ахлах дэслэг Т мөрийтэй тоглоомчдоос сар бүр тогтмол их хэмжээний мөнгө бэлнээр авсан байж болзошгүй нөхцөл байдал тогтоогдсон аж.
Гэтэл гэмт хэрэгт холбогдон шалгагдаж буй мөрдөгч Т-ийн цолыг өнгөрөгч долоо хоногт нэмж, "Ахмад" цол олгожээ.
Мөрийтэй тоглоомчдоос мөнгө авсан байж болзошгүй гэх хэрэгт цагдаагийн албаны газрын дарга, нэр бүхий хурандаа нар хамжигчаар оролцсон байж болзошгүй нөхцөл байдал дотоод хяналтын албаны шалгалтаар илэрсэн аж.
Гэвч дээрх нэр холбогдсон хүмүүс ч мөн адил өнгөрөгч долоо хоногт цол нэмцгээсэн гэх мэдээллийг эх сурвалж бидэнд өглөө.