Артерын даралт хэмжигч багаж хагарч 10 гр мөнгөн ус асгарсан тохиолдол өчигдөр гарчээ. Тодруулбал, Дорнод аймгийн Хэрлэн сумын есдүгээр багийн 61 дүгээр байранд артерын даралт хэмжигч багаж хагарч мөнгөн ус асгарсан тухай дуудлага 05.24-ний өдрийн 21:00 цагт ОБГ-т ирсэн байна.
Дуудлагын дагуу аймгийн Онцгой байдлын газрын алба хаагчид 21:18 цагт цагт очиход иргэн М-ийн 2 хүүхэд даралт хэмжигч багажаар тоглож байгаад хагалж 10 гр мөнгөн ус асгарсан байсныг соруулж авсан байна.
Мөнгөн усны уур нь маш хортой бөгөөд амьсгалын замын эрхтнүүдийг гэмтээдэг. Тиймээс бага насны хүүхдүүдэд мөнгөн ус агуулагдаж буй багаж хэрэгслээр тоглохгүй байхыг анхааруулах шаардлагатай.