Иргэн Б “Согтууруулах ундаа хэрэглээд такси бариад харьсан, зарим зүйлийг сайн санахгүй байгаа. Гэртээ сэрээд дансаа шалгатал ...тоот дансанд 500 мянган төгрөг шилжүүлсэн байсан” гэж мэдүүлжээ.
Түүний үйлчлүүлсэн таксины төлбөр 50 мянган төгрөг гарсан аж. Гэвч тэрбээр орон андуурч 500 мянган төгрөг шилжүүлсэн байна. Гэтэл таксины жолооч Э андуурсан гүйлгээг мэдсээр байж завшсан, улмаар бусдад бага хэмжээнээс дээш хохирол учруулсан гэмт хэрэгт холбогджээ. Жолооч Э гэм буруугаа сайн дураараа хүлээн зөвшөөрч, дахин ийм асуудал гарахгүй гэсэн байна.
Түүний үйлчлүүлсэн таксины төлбөр 50 мянган төгрөг гарсан аж. Гэвч тэрбээр орон андуурч 500 мянган төгрөг шилжүүлсэн байна.
Шүүхээс таксины жолооч Э-г Эрүүгийн хуулийн тусгай ангийн 17.5 дугаар зүйлийн 1 дэх хэсэгт заасан төлбөр тооцооны алдаатай гүйлгээг бусдын өмчлөл, эзэмшилд байгааг мэдсээр байж завшсаны улмаас бага хэмжээнээс дээш хохирол учруулсан гэмт хэрэг үйлдсэн гэм буруутайд тооцжээ.
Улмаар Эрүүгийн хуулийн тусгай ангийн 17.5 дугаар зүйлийн 1 дэх хэсэгт зааснаар түүнийг 260 цаг нийтэд тустай ажил хийлгэх ял шийтгэсэн байна.
Мөн Иргэний хуулийн 497 дугаар зүйлийн 497.1, 510 дугаар зүйлийн 510.1 дэх хэсэгт зааснаар түүнээс нийт 450,000 төгрөг гаргуулж, хохирогч Б-д олгохыг даалгажээ.
Эх сурвалж: Баянгол дүүргийн эрүүгийн хэргийн анхан шатны шүүх
