Монгол Улсын Ерөнхийлөгч Өмнөговь аймагт үүссэн асуудлаар Засгийн газарт чиглэл өгөв.
Энэхүү чиглэлийг Ерөнхийлөгчийн Хэвлэлийн төлөөлөгч бөгөөд ЕТГ-ын Хэвлэл мэдээллийн албаны дарга Ө.Золбаяр танилцууллаа.
Тэрээр "Сүүлийн үед УИХ-аар ноцтой мэдээлэл яригдаж олон нийтийг цочирдууллаа. Тухайлбал Өмнөговь аймгийн газар нутгийг гадаадын иргэн хуулийн этгээд эзэмшсэн байна гэх баримт ил боллоо. Энэ асуудалд Ерөнхийлөгч онцгойлон анхаарч Засгийн газар, холбогдох хуулийн байгууллага яаралтай ажиллаж, үр дүнг нь олон нийтэд ил тод нээлттэй зарлах ёстой байр суурийг илэрхийлж байна. Монгол Улсын Ерөнхий сайд Л.Оюун-Эрдэнэ танааМонгол Улсын газар эзэмшилт, ашиглалтыг шалгах тухайМонгол Улс нэгдмэл байж, зөвхөн нутаг, засаг захиргааны хувьд хуваагдахаар Монгол Улсын Үндсэн хуулиар баталгаажуулсан байдаг. Монгол Улсын халдашгүй дархан байдал, түүнийг сахин хамгаалах нь Монгол төрийн үндсэн үүрэг, үндэсний аюулгүй байдлын нэг чухал хэсэг. 2023 оны нотлон хамгаалах сонсголын үеэр Монгол Улсын үндсэн хуулийг зөрчсөн, гадаадын иргэн, хуулийн этгээдэд газар эзэмшсэн баримт ил боллоо. Засгийн газар газрын тухай хуулийн дагуу хуулийн хүрээнд арга хэмжээ авч, гэм буруутай этгээдийн хуулийн байгууллагад шилжүүлж, авч хэрэгжүүлсэн арга хэмжээг шуурхай танилцуулж ажиллах чиглэл өгч байна.
Мөн сүүлийн үед Өмнөговь аймагт бороо орохоо больсон. Байгаль орчны нөхөн сэргээлтийг хийж, үүнд анхаарах зайлшгүй шаардлагатай" гэв.
Хууль зүйн бодлогын зөвлөх А.Бямбажаргал “Бид нэг Үндсэн хуультай. Монгол Улсын Үндсэн хуулийн 6 зүйлийн 3 дахь хэсэгт бэлчээр, нийтийн эдэлбэр газраас бусад газар нутгийг Монгол Улсын иргэнд эзэмшүүлнэ гэж заасан байдаг. Тухайлбал иргэн өмчилсөн газар нутгийнхаа эрхийг шилжүүлэх бол төр тодорхой хяналт тавина гэж Үндсэн хуульд заасан. Төрийн байгууллагын эрх бүхий зөвшөөрөлгүйгээр бусдад эзэмшүүлж, ашиглуулж болохгүй. Үндсэн хуулиас илүү хууль гэж байхгүй. Газрын тухай хууль ч Үндсэн хуулийг давахгүй" гэв.
