Өчигдөр /2023.12.02/ Монголын эмэгтэйчүүдийн Холбооны 13-р хуралдаан болж өндөрлөв. Хуралдаанаар Батнасангийн Оюунгэрэлийг дахин тус байгууллагын ерөнхийлөгчөөр сонгож, тав дахь жилдээ удирдуулахаар болжээ.
Одоогоос яг таван жилийн өмнө буюу 2018 оны аравдугаар сард тэрбээр МЭХ-ны даргаар сонгогдож байв. Тухайн үед “олон нийтэд нээлттэй байгууллага болгохоос гадна, эмэгтэйчүүдийн эсрэг гэмт хэрэг хүчирхийлэлтэй тэмцэх үйлсээр ажлаа эхлүүлнэ” гэж мэдэгдсэн.
Гэвч, дорвитой ажил хийгээгүй, харин ч улс төрд орохын өмнөх бэлтгэлээ хангаж олон нийтэд танигдах зорилготой хэмээн шүүмжлүүлж байлаа. Энэ ч ёсоор, 2020 оны УИХ-ын сонгуульд тус намаас Эрдэнэтэд Ц.Нямдоржтой хамт нэр дэвшсэн ч, өвдөг шороодсон.
Тэрбээр "зар сурталчилгаа хийх" зориулалтаар Эрдэнэт үйлдвэрээс 40 сая, ЭМДС-аас 87 сая, БЗС-аас хүүхэддээ 63 мянган ам.долларын зээл авсан нь дэлгэгдсэн. Мөн түүний охин Э.Энхүүлэн нь Боловсролын зээлийн сангийн 63 мянган долларын санхүүжилтээр Австралийн Монаш Их сургуульд баклаврт суралцсан.
CHUHAL.mn сайтын ерөнхий захирал бөгөөд Монголын сонины холбооны гүйцэтгэх захирал, Мэдээллийн Сайтуудын Ассоциацийн тэргүүнээр ажиллаж байсан юм.
