Цахим орчинд идэвхитэй эрхмүүдийн нэг Б.Жаргалсайхан өөрийн фэйсбүүк хуудастаа Дэлхий нийтийг шуугиулж буй Харь гарагийнханы тухай мэдээллийг хуваалцжээ. Тэрбээр:
"Дэлхий нийтийг шуугиулж буй мэдээллийг та бүхэнд хүргэе. Зарим нэг хэвлэлүүд орчуулаад видео, эх сурвалжтай нь тавьсан байна лээ. АНУ-ын конгресст Тагнуулын төв газар, НАСА-гаас мэдээлэл хийсэн юм. Юун тухай вэ гэхээр Хар гарагийн халдлага, тэдний мэдээллийг хэрхэх тухай юм. Ойрын жилүүдэд 147 удаа Хар гарагийн нөхдүүд АНУ болон БНХАУ, ОХУ зэрэгт зочилж цөмийн арав гаруй хошууг огт ажиллагаагүй болгосон байгаа юм. НАСА-гийн ажилтан "Төсөөлөх аргагүй өндөр технологитой Харь гарагийн нөхөдтэй цаашид хэрхэн харьцах вэ. Дайсагнасан байдал гаргавал бид яах вэ" гэсэн асуулт тавьсан. Энэ асуултаас үүдэн "Харь гарагийн нисдэг таваг, хүмүүс дэлхий дээр өдөр болгон шахуу орж гарч байдаг" гэснээс үүдэн Конгрессийн хурал хаалттай горимд шилжүүлсэн юм. Энэ бичлэг, ярилцлага ютууб суваг тавигдсан. Хамгийн сонирхолтой нь ОХУ-ын талаас энэ мэдээллийг үгүйсгээгүйгээр барахгүй БНХАУ, АНУ-ын талууд "Харь гарагийн хүмүүсээс технологи авсан" хэмээн буруутгажээ. Нөгөө талаар АНУ-ын тал Харь гарагийн талаарх мэдээллийг ил болгох, олон нийтэд үзүүлэх хүсэлт илэрхийлсэн ч зарим улсууд эсэргүүцсэн байгаа юм. Үүнд ямар шалтгаан байна вэ. Зарим нэг улс орнууд шашны ойлголтод сөрөг нөлөө үзүүлнэ гэсэн нь гайхал төрүүлнэ. Шоолуулна, иргэдээ айдаст автуулна ч гэх шиг Харь гараг гэдэг ойлголт улам бодитой болж байх шиг байна. Төсөөлөх аргагүй технологийн хөгжил гэж юу хэлээд байгааг ойлгохгүй нисдэг тавагны бодит зураг олон нийтэд ил болсон нь гайхалтай, гайхамшигтай юм. Бид ганцаараа биш, тэд нартай яаж ойлголцох вэ гэдэг асуудал өндөр хөгжилтэй орнуудад тулгараад байгаа бололтой" гэжээ.