Нийслэлийн автозамын түгжрэлийг бууруулах Улаанбаатар хотыг орон сууцуулах тухай хуулийг эцсийн хэлэлцүүлэгт шилжүүлсэн. Уг хуулинд иргэдийн эрхийг зөрчсөн алдаатай олон зүйл, заалтууд байгааг УИХ-ын гишүүд шүүмжиллээ.
УИХ-ын гишүүн Б.Пүрэвдорж:
- Энэ хуулин дээр дахиад такси үйлчилгээ эрхлэхэд авто тээврийн хуулийн 15.9, 15.10-аар нөхцөл шаардлага хангасан байна гэж байна. Такси үйлчилгээний зорчигч тээвэрлэх дүрэм, холбогдох журмыг хангасан тээвэрлэгч байна гэж байгаа юм. Тухайлба, шар дугаартай, сифортой байх гэх мэт. Гэтэл шар дугаартай хоёр зуухан такси байдаг. Тэгэхээр энэ такси үйлчилгээг яаж эрхлэх юм.
Харин шаардлага хангаагүй гэдэг нэрээр зорчигч авч яваа жолооч нарыг 5 сая төгрөгөөр торгох нөхцөл бүрдүүлчихэж.
Өөрөөр хэлбэл, бид энд хууль баталдаг. Гэтэл доор очоод хуулийн хэрэгжилт ямар байдаг билээ. Хууль дагасан хүнд сурталтай журмууд яаж гардаг билээ, та нар бүгд мэдэж байгаа.
Зөрчлийн тухай хуулийн 6.30-ын 4 дэх хэсэгт дор дурдсан тайлбар нэмэх "Цахим флатформоор бүртгэлтэйгээр зорчигч тээвэрлэдэг иргэн үүнд хамаарахгүй". Өчигдөр би энэ агуулгаар хотын дарга буюу хууль санаачлагчаас асуусан. Энэ хуульд огт хамаарахгүй гэж хэлж байна. Гэхдээ асуултад хариулсан Нямбаатар яваад өгч болно. Энэ хууль хэдэн жил хэрэгжинэ. Энэ үед нь өөр журам гараад тэр хүмүүсээ бизнесээс нь салгах нөхцөл байдал руу орж магадгүй гэж би үзэж байна. Үүн дээр санал хураалгаж болохгүй гэж хэлэх байх. Гэхдээ 40.1-ээр болно. Яагаад гэвэл энэ анхдагч болон шинэчилсэн найруулга.
