![](http://hardnews.mn/wp-content/uploads/2023/11/5fe5be708d4d0e0ae855c7cd17ebf434_1642664431_extra_large-1024x683.jpeg)
The Economist сэтгүүл Украины улс төр, цэргийн удирдлагын хоорондын дотоод сөргөлдөөний тухай шинэ өгүүлэл нийтэлжээ.
Энд бичсэнээр Украины Ерөнхийлөгч Владимир Зеленский болон Украины Зэвсэгт хүчний ерөнхий командлагч Валерий Залужный нарын харилцааг "ноцтой" гэжээ.
Сөрөг довтолгооны үр дүнгийн талаархи маргаан
Тэдний санал зөрөлдөөнтэй холбоотой мэдээлэл өнгөрсөн зун анх гарч эхэлсэн. Залужный саяхан "Экономист" сэтгүүлд өгсөн илэн далангүй ярилцлагадаа дайн мухардсан гэдгийг олон нийтийн анхаарлын төвд авчирсан юм.
Зеленский үүний дараа өгсөн ярилцлагадаа цэргийн асуудалд анхаарлаа хандуулж, улс төрд оролцохгүй байхыг Ерөнхий командлагчдаа сануулсан.
Ерөнхийлөгч болон ерөнхий командлагч хоёр ил тод зөрчилдөж эхэлсэн нь зогсонги байдалд орсон сөрөг довтолгооноос шалтгаалсан гэж таамаглаж байгаагаа Засгийн газрын өндөр албан тушаалтан хэлжээ. Түүний бодлоор Залужный ерөнхийлөгчийн олон нийтийн байр суурьтай илт зөрчилдөж эхлэхдээ ухаалаг бус үйлдэл хийсэн байж магадгүй ч Засгийн газарт түүний дүгнэлттэй маргах хүн цөөхөн байна.
Сөрөг довтолгоо бүтэлгүйтсэний хариуцлагыг хэн хүлээх вэ гэдэг асуудал одоо анхаарал татаж байна. “Улстөрчид генералуудаа Зөвлөлтөд бэлтгэгдсэн тэнэгүүд гэж ярьдаг. Тэгвэл генералууд үүний хариуд улстөрчид бол бүх юманд хутгалдах гэж оролддог тэнэгүүд гэж хэлдэг. Ялалт үргэлж олон эзэнтэй байдаг хэрнээ мухардмал байдалд хэн ч хариуцлага хүлээхийг хүсдэггүй" гэж тус сэтгүүлийн ярилцагч нөхцөл байдлыг тайлбарлав.
Өмнөдийн хамгаалалттай холбоотой хэрэг
Өөр нэг чухал хүчин зүйл бол Украины өмнөд нутгийн хамгаалаалттай холбоотой эрүүгийн хэрэг юм гэж нийтлэлд дурджээ. Тэнд Оросын арми 2022 оны 2, 3-р сард хурдан бөгөөд чухал ялалт байгуулж чадсан.
Тиймээс Өмнөдийг хэн өгсөн бэ? Оросын довтолгоонд Украины дайчид тусалж, батлан хамгаалах төлөвлөгөөнийхөө эсрэг гүүрийг дэлбэлээгүй, армийн бэлтгэл муутай байв.
Зарим мэдээллээр Залужный одоо мөрдөн байцаалтад гэрчээр оролцож байгаа боловч "энэ нь илүү ноцтой зүйл болж хувирч магадгүй" гэж "Экономист" бичжээ. Ерөнхий командлагчийн хэвлэл мэдээллийн хэрэгслээр хэлсэн үг нь түүний бооцоогоо хамгаалах оролдлого гэж үзэж болно гэж Украины Жанжин штабын эх сурвалж хэлж байна.
Залужный ямар ч улс төрийн амбиц илэрхийлээгүй ч энэ нь түүнийг Зеленскийд аюул учруулахгүй гэсэн үг биш гэж хэвлэлд тэмдэглэжээ. Санал асуулгаар 11-р сарын дунд үе гэхэд ерөнхийлөгчид итгэх итгэл 32 хувь болж буурсан бол Залужныйд итгэх итгэл хоёр дахин (70%) өссөн юм. Украины тагнуулын албаны дарга Кирилл Буданов ч ерөнхийлөгчөөс өндөр үнэлгээтэй (45%) байна.
Үүнээс хэн ашиг хүртэх вэ?
Украины тагнуулын мэдээлснээр Орос улс Украины дотоод улс төрийн хурцадмал байдлаас ашиг олохыг идэвхтэй оролдож байна. Хүн амын янз бүрийн бүлэгт чиглэсэн кампанит ажил нь Орост үзүүлэх дэмжлэгийг бэхжүүлэх, барууны орнуудад итгэх итгэлийг сулруулж, Украинд дургүйцлийг нэмэгдүүлэх зорилготой юм.
Украины засгийн газрын өндөр албан тушаалтан ярихдаа, Оросын суртал ухуулга нь ажиллахад хангалттай материалтай байсан тул нэр нөлөөтэй болж эхэлсэн. Украинд авлигын асуудал тулгардаг, удирдлага нь ихэвчлэн үр дүн муутай байдаг, эдийн засгаа дайны байдалд шилжүүлэхэд асуудал гардаг гэжээ.
Гэхдээ Зеленскийг огцруулбал зөвхөн Орост л ашигтай гэж тэрээр болгоомжилж: “Манай зарим улстөрчид Оросын заналхийллийн талаар хангалттай санаа зовохгүй байгаа нь бухимдал үүсгэж байна. Тэд эрх баригчдыг эсэргүүцэж, Зеленскийг устгаж чадна гэж бодож байгаа бөгөөд энэ нь ямар ч үр дагаваргүй байх болно" гэжээ.
Эх сурвалж: ВВС