Дундговь :Социализмын үед ашиглагдаж байсан тоосгоны үйлдвэрийн суурин дээр инновпаци, шинэ технологийг нэвтрүүлсэн “Алтан говийн цэцэрлэг” эко хотхон байгуулахаар 4 дүгээр сарын 4-нд шав тавив.
Тус хотхонд үйлчилгээний төвтэй 500 айлын орон сууц баригдах бөгөөд хуучин тоосгоны үйлдвэрийн суурин дээр одоо байгаа яндан, зарим зүйлийг дурсгал болгон үлдээх ажээ.
Шав тавих үйл ажиллагаанд аймгийн ИТХ-ын дарга С.Од-Эрдэнэ, Засаг дарга Ц.Мөнхбат, Засаг даргын орлогч М.Анхбаяр, “Зотол Мандал” ХХК-ийн захирал А.Эрдэнэцогт, Монгол улсын Төрийн соёрхолт инженер Н.Нацагням, Монгол Улсын Шилдэг зохион бүтээгч, хүндэт доктор Л.Дуурсах, төслийн менежер Э.Тамир нар оролцжээ.
Энэ үеэр аймгийн Засаг дарга Ц.Мөнхбат хуучин дэд бүтцийг зөв, зохистой хослуулан, ард иргэдэд ая тухтай, эрүүл аюулгүй орчинд амьдрах боломж нөхцөлийг бүрдүүлэхээр зорьж байгаа төслийн хамт олонд талархал илэрхийлж, аймаг, орон нутгийн зүгээс бүхий л талаар дэмжиж, хамтран ажиллахаа илэрхийллээ.
