
“Эх нярай, эмэгтэйчүүдийн үндэсний төв-2” буюу Яармагийн 300 ортой эмнэлэгт хэвтэн эмчлүүлж буй 0-2 насны 17 хүүхдэд тус эмнэлгийн сувилагч өчигдөр /2023.11.24/ оройны цагийн тариаг нь андуурч буруу тариа хийснээс болж, зарим хүүхэд таталт өгч, бөөлжиж биеийн байдал хүндэрсэн гэх мэдээлэл гарсан.
Энэ талаар ЭМЯ-наас тодруулахад "Тариа андуурсан зүйл байхгүй. Сувилагч нь оройны 12 цагийн тариагаа хийхдээ өмнө нь бүгдийг нь шиприцэнд соруулж тавиад хийсэн нь хүүхдүүдэд реакц өгсөн байна. Одоо цагдаагийн байгууллага мэдүүлэг авч, шалгаж байна, яамнаас ажлын хэсэг очсон байгаа. Хүүхдүүдийн биеийн байдал тогтворжсон" гэлээ.