ЦЕГ-аас санаачлан сурагчдын аюулгүй байдлыг хангах, сургууль орчмын бүсэд зам тээврийн осол, хэргээс урьдчилан сэргийлэх зорилгоор нийслэлийн 40 орчим сургуулийн явган хүний гарцыг гэрэлтдэг болгон шинэчилж, ашиглалтад оруулжээ.
Ийм гэрэлтдэг гарц хийхэд дунджаар 3-4 сая төгрөг орсон байна. Одоогоор энэ ажлыг ЦЕГ иргэд, байгууллагуудын санхүүгийн дэмжлэгээр хийж байгаа аж. Харин цаашид НЗДТГ-аас санхүүгийн дэмжлэг үзүүлэхээр болжээ.
Энэ сард багтаан зам тээврийн осол ихээр гардаг сургууль орчмын эрсдэлтэй нийт 78 байршилд дээрх гэрэлтүүлгийг хийхээр төлөвлөсөн байна. Мөн цаашид нийслэлийн хэмжээнд нийт 200 сургуулийн ойролцоох гарцыг гэрэлтдэг болгох аж.
