ҮАБЗ /2023.11.17/ хуралдсан. Ерөнхий сайд Л.Оюун-Эрдэнэ өчигдрийн УИХ-ын чуулганы хуралдаанд оролцож, авлига, албан тушаалын гэмт хэрэгтэй тэмцэх чиглэлээр хууль, эрх зүйн орчныг боловсронгуй болгох шинэтгэлийн бодлогын талаар танилцуулах байв. Улмаар түүний мэдээллийг ХЗДХ-ийн сайд Б.Энхбаяр танилцуулсан юм. Харин Г.Занданшатарын оронд чуулганыг УИХ-ын дэд дарга Л.Мөнхбаатар даргалсан юм.
ҮАБЗ хамгийн сүүлд энэ оны зургадугаар сард хуралдаж, 2023 оны төсвийн тодотголын асуудлыг хэлэлцэж байв.
Харин өчигдрийн ээлжит хуралдаанаараа байгаль орчин болоод цэрэг амиа алдсантай холбоотой батлан хамгаалахын салбарын асуудал гэхчлэн хэд хэдэн хэлэлцсэн байна.
Мөн “цэрэг, батлан хамгаалах салбартай холбоотой нууцад хамаарах мэдээллийг сэтгүүлчид олж аваад байна” гэх асуудлыг хэлэлцжээ.
Энэ сарын 13-нд Зэвсэгт хүчний 326 дугаар цэрэгт татагдсан 21 настай оюутан нас барсан харамсалтай хэрэг гарсан билээ. Амиа алдсан залуугийн ар гэрийнхэнтэй Ерөнхийлөгч У.Хүрэлсүх утсаар холбогдож, эмгэнэл илэрхийлсэн байдаг.
