Зэвсэгт хүчний 326-р ангид алба хааж байсан 20 настай цэрэг өчигдөр өглөө амь насаа алдсан харамсалтай хэрэг гарсан.
Тиймээс тус ангид хугацаат цэргийн алба хааж буй цэргүүдийг эцэг, эхийн хүсэлтээр үзлэг, шинжилгээнд хамруулж буй.
Энэ талаар үзлэгийг хариуцаж байгаа эмч н.Болор-Эрдэнэ "Зэвсэгт хүчний 326-р ангийн хугацаат цэргийн алба хаагчид ирж үзлэг, шинжилгээнд хамрагдаж байна. Эхний ээлжид 49 хугацаат цэргийн алба хаагч ирж хамрагдаж байна. Үзлэгээр цус, шээс, биохими, эхо, рентен, зүрхний бичлэг зэрэг 8 төрлийн шинжилгээ мөн 14 төрлийн нарийн мэргэжлийн эмч нарын үзлэгүүд зохион байгуулагдаж байна. Шинжилгээний хариу 3 цагийн дараа гарна" гэв.
