Боловсролын ерөнхий газраас цаг агаарын нөхцөл байдал хүндрэлтэй байхаар бол аймаг, нийслэлийн Засаг дарга нарын саналыг харгалзан сурагчдын амралтыг сунгах боломжтой талаар зөвлөмж гаргажээ. Тодруулбал, Сургуулийн өмнөх болон ерөнхий боловсролын тухай хуулийн 5.5 дахь заалтад "Орон нутгийн байгаль, цаг уур, үйлдвэрлэл, үйлчилгээний онцлогтой холбогдуулан цэцэрлэг, ерөнхий боловсролын сургуулийн хичээлийн жилийн эхлэх, үргэлжлэх, дуусах хугацааг аймаг, нийслэлийн Засаг дарга нарын саналыг харгалзан боловсролын асуудал эрхэлсэн төрийн захиргааны төв байгууллага тухайн үед нь өөрчилж болно" гэж заажээ.
