Нийслэлчүүд өчигдөр авто зам дээр “тэг” зогссон билээ. Тэгвэл хичээл сургууль амарсан эл өдөр яагаад өдрийн 15:00 цагаас замын ачаалал нэмэгдэх болсон шалтгааныг Тээврийн цагдаагийн албанаас тогтоожээ.
Тээврийн хэрэгслийн эрчим удааширсан шалтгаан нөхцөлийн тухайд,
1.СХД-ийн нутаг 5-р баазын уулзвараар нийт 28 удаа галт тэрэг явж өнгөрсөн. тухайн гармыг цас орсны улмаас хааж цасыг цэвэрлэсэн.
2.БГД Эрчим хүчний гудамжинд ачааны автомашин шалтгаан тодорхойгүй эвдэрч зогссон.
3.Цас орсны улмаас авто зам дээр халтиргаа гулгаа үүсэж тээврийн хэрэгслийн хөдөлгөөний эрчим удааширсан.
4.ХУД-ын ХААИС-ийн зүүн талд ачааны автомашин шалтгаан нь тодорхойгүй эвдэрч зогссон зэрэг шалтгаануудаас үүдэлтэй авто замын түгжрэл саатал бий болсон гэж үзжээ.
Түүнчлэн, Тээврийн цагдаагийн албанаас гудамж замын хөдөлгөөн зохицуулалтад нийт 142 цэгт 284 алба хаагч, 68 автомашинтайгаар үүрэг гүйцэтгэн ажилласан байна.
