Монгол Улсын хууль зүйн сайд Х.Нямбаатарт 2022.05.11-ний өдөр АН албан шаардлага хүргүүлсэн. Тодруулбал, "Ажлаа хий" тайван жагсаалыг Цагдаагийн байгууллагаас хүч хэрэглэн тарааж, 60 гаруй залуусыг баривчлан саатуулсан, мөн дайныг эсэргүүцсэн иргэдийг удаа дараа байцааж байгааг буруушаан, Үндсэн хуульд заасан үзэл бодлоо илэрхийлэх эрхээ эдэлсэн иргэдийг зохион байгуулалттайгаар ялтан болгож байгааг буруушаасан.
Иймд Монгол Улсын иргэдийн эсрэг тусгай ажиллагаа явуулсан хууль хүчний байгууллагын удирдлага буюу ЦЕГ-ын дарга Ж.Болд, НЦУГ-ын дарга Р.Отгонжаргал, НПГ-ын дарга Т.Ариунболд, СБД-ийн цагдаагийн газрын дарга Ч.Чинбат нарыг огцруулж өгөхийг Хууль зүйн сайд болон Ерөнхий прокуророос шаардсан юм. Тэгвэл уг шаардлагын хариуг энэ долоо хоногийн лхагва гарагт буюу 2022.05.25-ны өдөр авах аж.
