Засгийн газрын хуралдаанаас гаргасан шийдвэрийг танилцуулж байна.
ЗГХЭГ-ын дарга Д.Амарбаясгалан "Хөдөлмөр нийгмийн хамгааллын салбарт Засгийн газраас процессын дахин инженерчлэлийн загварыг бий болгох ажлыг энэ оны тавдугаар сарын 24-ний өдөр шийдвэр гаргаж, ажил эхэлсэн. Таван сарын хугацаанд ажилласан процессын дахин инженерчлэлийг хэрэгжүүлэх баг ажиллаж үр дүнгээ өнөөдөр танилцууллаа.
Төр үйлчилгээний байгууллагатай нэгэн адил иргэндээ хүрч үйлчилж чаддаг болох тогтолцооны өөрчлөлтийг хийхийг зорьсон. Шинжилгээний баг 32 хүний бүрэлдэхүүнтэй ажиллаад салбар дахь эрсдэлийг тооцож гаргасан байна. Урьдчилсан байдлаар 1900 гаруй төрлийн эрсдэл байна. Тэр эрсдэл нь хүнд суртал, авилгал, чанаргүй үйлчилгээ үзүүлэх. Энэ эрсдэлийг арилгаж, хүн төвтэй үйлчилгээ үзүүлэх боломжийг бүрдүүлж чадсанаараа төрийн үйлчилгээ бодитой болох юм.
Төрийн үйлчилгээ Канад улсад 1:1 байдаг бол манайд 1:5 харьцаатай байна. Энэ нь нэг иргэн 5-6 үйлчилгээний байгууллагатай харилцаа үүсгэсний үндсэнд үйлчилгээ авч чадаж байна. Тиймээс бид 1:1 тогтолцоонд шилжих зорилготой.
Халамж, хөдөлмөр эрхлэлт, нийгмийн даатгалын үйлчилгээ нь иргэн бүрийн авдаг үйлчилгээ. Эдгээр үйлчилгээний 70 орчим хувь нь цаасан харилцаан дээр тогтож байна. Тиймээс процессын инженерчлэлийг 2024 оны нэгдүгээр сарын нэгэн хүртэл хийнэ. Ингэснээр хүнд суртлыг арилна.
Төрөлхийн хөгжлийн бэрхшээлтэй иргэн хоёр жил тутамд группээ сунгуулдаг байдал арилна." гэв. Өнгөрсөн 5 сарын хугацаанд ХНХЯ, ЦХХХЯ, ЗГХХГ ШСБХТ хамтран хийсэн Төрийн албаны Процeссын дахин инженерчлэл тандалт судалгааны ажил нь орон нутгийн 3 бүсийн 14 аймагт, 240 гаруй процесст, 8 төрлийн дүн шинжилгээг хийсэн байна.Төрийн байгууллагын процессын дахин инженерчлэл нь олон талт судалгаа шинжилгээнд суурилж явагддаг бөгөөд зөвхөн иргэдийн сэтгэл ханамжаас гадна төрийн албан хаагчдын сэтгэл ханамжийг нэмэгдүүлэхэд чиглэдэг аж.