ОХУ-ын Саратов хотод дэлхийд цор ганц зохион байгуулагддаг “Circus princess" эмэгтэй циркчдийн олон улсын фестиваль аравдугаар сарын 18-23-ны өдрүүдэд ес дэх удаагаа зохион байгуулагдлаа.
Тус фестивальд Монгол, Франц, Герман, Перу, Хятад, Казахстан, Киргиз, Вьетнам, Мексик, ОХУ, Этиоп, Бразил, Беларусь зэрэг 13 орны 150 циркийн жүжигчид оролцсон байна. 20 гаруй шилдэг үзүүлбэр шалгаруулснаас “Монголын циркийн урлагийн байгууллагуудын нэгдсэн хороо”-ны гишүүн байгууллага “Икс Роузис” ХХК-ны уран нугаралтын жүжигчид шилдгийн шилдэг гранпри шагнал хүртлээ.
"Гранпри" шагнал хүртсэн циркийн жүжигчид:
-Циркийн багш, найруулагч, продюсер багийн удирдагч, соёлын тэргүүний ажилтан Т.Буд
-Циркийн олон улсын “А” зэрэглэлийн тэмцээний алтан цом, хошой хүрэл цомын эзэн, “Нарны цирк”-ийн гол дүрээр дөрвөн жил ажилласан, соёлын тэргүүний ажилтан Б.Ихэрцэцэг
-Циркийн олон улсын “А” зэрэглэлийн тэмцээний гурван удаагийн хүрэл цомын эзэн, “Нарны цирк”-ийн гол дүрээр 3.5 жил ажилласан, соёлын тэргүүний ажилтан Н.Төгөлдөрсайхан
-Уран нугараач Б.Гүнжилмаа
-Уран нугараач Л.Түвшинзаяа
-Уран нугараач С.Ариунсанаа
-Уран нугараач А.Ариунзул
-Уран нугараач А.Анхзаяа
-Уран нугараач Б.Маргад-Эрдэнэ