Голын голдирол хаасан "Шунхлай" шатахуун түгээх станцын үндсэн барилгыг буулгах, чөлөөлөх ажил өнөөдөр эхэлж байна.
Энэ талаар Нийслэлийн засаг даргын орлогч П.Сайнзориг "Станцыг нураах ажлыг хийхэд ямар нэгэн маргаангүй буюу аж ахуй нэгжийн зүгээс эсэргүүцэлгүй, Нийслэлийн ажлын албатай харилцан тохиролцсон гэв. ШТС-ын барилгыг арваннэгдүгээр сарын 5-н гэхэд буулгана" гэлээ.
Шунхлай ШТС-ын барилгыг нураахад 300 сая төгрөгийн зардал гаргаж байгаа аж. Уг барилгын суурин дээр үерээс хамгаалах барилга, байгууламж барина.
Харин "Aqua Garden" барилгын хоёр блокийг нураах боломж одоогоор байхгүй байгаа юм. Учир нь манай улс өмнө нь 20 давхар барилгыг нурааж байсан туршлага байхгүй. Мөн "Aqua Garden"-ын асуудал шүүхийн шатанд явж байгаа.
S'outlets дэлгүүрийн газар эзэмшиж байгаа болон үл хөдлөх хөрөнгө эзэмшиж байгаа компани асуудалд нааштай хандаж байгаа аж. Газрыг чөлөөлж байгаа учраас байгаа үл хөдлөх хөрөнгүүдийг үнэлж, нөхөн олговрын асуудлыг ярилцаж, хэлэлцээр хийж байгаа юм байна.
