- 1972 онд "Apollo 17" ажиллагааг хийв
- 110 килограм жинтэй хөрс, чулуулгийн дээжийг дэлхийд авчирсан
- Сар 4.5 тэрбум жилийн өмнө үүсжээ
1972 онд хийсэн “Apollo 17” ажиллагаагаар сарыг зорьсон нисгэгчид болох Харрисон Шмит, Южин Сернан нар 110 килограм жинтэй хөрс болон чулуулгийн дээжийг дэлхийд авчирсан.
Үүнээс хагас зууны дараа эрдэмтэд тус чулуулгийн хэлтэрхийн доторх эрдсийн талстуудын тусламжтай сарны насжилтыг илүү нарийн тогтоож чадсан байна.
Тодруулбал сар өмнө нь тогтоож байснаас 40 сая жилийн өмнө үүссэн бөгөөд 4.5 тэрбум жилийн өмнө буюу нарны аймаг бүрэлдсэнээс 110 сая жилийн дотор үүссэн аж.
Дэлхийг дунджаар 385 мянган километр тойрон эргэдэг сарны диаметр нь ойролцоогоор 3475 километр буюу манай гарагийн диаметрийн дөрөвний нэгтэй дүйхүйц хэмжээтэй.
Шмит болон Сернан нар 1972 онд саран дээр хөл тавьснаас хойш өнөөдрийг хүртэл дахин хүний ул мөр саран дээр үлдээгүй байгаа юм.
