Замын цагдаагийн газар хэвлэл мэдээлэл олон нийттэй харилцах хэлтсийн даргын ажлыг хийж байгаад гавъяаныхаа амралтад гарсан хурандаа С.Энхтөр өөрийн цахим хуудсаар дамжуулан дарханы замын алдаатай хэсгийн шүүмжилжээ.
Тэрбээр, “Дарханы замаар Жаргалант хүртэл өдөр яваад шөнө буцаж ирлээ. Бурхан минь жинхэнэ аюул тэнд байна. Өндөр хурд - аль зорчих хэсэгрүү яаж орох нь тодорхойгүй, мэдээллийн байгууламж тэр дотроо тэмдэг тэмдэглэл нь ойлгомжгүй, цөөхөн учир жолооч нар багцаагаар тууж өгч бна. Туузан хашлага бол эхлэл төгсгөл дээр ямар ч мэдээлэл анхааруулга алга, сүлбүүлж үхмээр. 2, 3 газар л км орчим гайгүй сайн хийгдсэн хэсэг байна гэж харлаа. За тэгээд шөнө бол жолооч нар ар өврөөс гэрлээр зүгээр л сохолж байна. Шөнө явалтгүй. Толигор болохоор таанууд гоё зам л гээд бгаа байх, аюулгүй замыг л гоё зам гэнэ шдээ. Инженерүүд яаралтай очиж хөдөлгөөний аюулгүй байдлын талаар яаралтай заавар зөвлөгөө өгөөсэй билээ, карекийн заавар, миний бас эмхэтгэсэн юм бгаадаа уг нь” гэжээ.