Монгол Улсын топ 10 сургуулийг БШУЯ-аас зарласан. Тэгвэл эхний гуравт эрэмбэлэгдсэн МУИС, АШУҮИС, ШУТИС-ийн докторын хөтөлбөрийг төрөөс санхүүжүүлэхээр боллоо.
Энэ талаар БШУ-ы сайд Л.Энх-Амгалан "Их сургуулиудын эрэмбийг зарласантай холбогдуулан ахисан шатны боловсролыг шинэ шатанд гаргах шаардлага бий. Судалгааны их сургуулийг байгуулахад магистр, докторын сургалт хамгийн чухал. Иймд эхний гуравт эрэмбэлэгдсэн МУИС, АШУҮИС, ШУТИС-ийн 20 докторантын судалгааны сургалтыг төрөөс санхүүжүүлж, цалинтай докторын хөтөлбөр хэрэгжүүлнэ" гэв.
