Хотын стандарт, орчны аюулгүй байдлын хяналт, зохицуулалтын газрын дарга С.Төмөрдуламын АТГ-аас шалгаж, байцаалт авсан талаар бид өмнө мэдээлсэн.
Тодруулбал, түүнийг Нийслэлийн газар хууль бусаар газар олгох асуудалд холбогдуулан шалгаж байгаа гэсэн мэдээлэл бий.
Эх сурвалжийн мэдээллээр “Авлига” хороолол гэж нэрлэгддэг “Аука гарден” хотхонд олгосон зөвшөөрөлтэй холбоотойгоор дээрх асуудал хариуцсан хэд, хэдэн хүнийг байцааж байгаа аж.
Хотын стандарт, хяналтын газрын дарга буюу Улсын комиссын дарга С.Төмөрдуламын ХОМ-ийг танилцуулж байна.
Тэрээр 2.5 тэрбум төгрөгөөр үнэлэгдэх хоёр орон сууцтай, таван авто зогсоолтой, үйлчилгээний зориулалттай нэг барилга эзэмшдэг.
Мөн С.Төмөрдулам Lexus-470, Lexus-570, Lexus RX-350 маркийн гурван жийп автомашин эзэмшдэг гэж мэдүүлжээ.
Түүний хоёр орон сууцны нэг нь нийслэлийн хамгийн үнэтэй, тансаг зэрэглэлийн хотхонд тооцогддог Хан-Уул дүүргийн 15-р хорооны “Жапан таун” хотхонд байдаг аж.