Израилын бүслэн хаасан Газын зурваст хүмүүнлэгийн хямрал нүүрлээд байна. Израилын батлан хамгаалах хүчин Газын зурвасын хүн амыг хоногийн дотор өмнөд хэсэг рүү нүүхийг шаардсан. Байлдааны ажиллагааны явцад Израил олон улсын хүмүүнлэгийн хуулийг зөрчин цагаан фосфор хэрэглэснийг хүний эрхийн төлөө тэмцэгчид мэдэгдлээ.
Нүүх албан шаардлага
- Нийтдээ 1.1 сая палестинчууд Газын зурвасын өмнөд хэсэг рүү хоногийн дотор нүүх шаардлагатайг Израил НҮБ-д мэдэгджээ. Энэ шаардлагаа ХАМАС-ын дайчид хотын орон сууцны хонгилуудад нуугдаж буйгаар тайлбарлав. Нүүлгэх зорилго нь террористууд ба энгийн иргэдийг салгах зориулалттай гэжээ.
- Палестины дүрвэгчдэд туслах зорилгоор НҮБ өөрийн шуурхай штаыг зурвасын өмнөд хэсэг рүү нүүлгэжээ.
- ХАМАС оршин суугчдад хандан Израилын шаардлагыг биелүүлэхгүй байхыг уриалав. Мөн тэд албадан нүүлгэхийн эсрэг арга хэмжээ авахыг НҮБ-аас хүсчээ. Палестины Ерөнхийлөгч Махмуд Аббас АНУ-ын Төрийн нарийн бичгийн дарга Энтони Блинкентэй Иорданы нутагт хэлэлцээр хийхдээ албадан нүүлгэхийн эсрэг байгаагаа хэлэв.
- Европын холбооны Гадаад хэргийн дээд комиссар Жозеп Баррель нэг сая хүнийг 24 цагт нүүлгэх нь боломжгүй гэлээ. Мөн Палестины Улаан хавирган сар нийгэмлэгийн тэргүүн Нибал Фарсах ингэж хэлэв. Хэдэн цагийн дараа Израил нүүх хугацааг зургаан цагаар нэмжээ.
- ДЭМБ нүүлгэлтээ зогсоохыг уриалаад Газын хойд хэсгийн эмнэлгүүдийн хүнд өвчтөнүүдийг нүүлгэх боломжгүй гэжээ.
Бүс нутгийн байдал
- Израилын цохилтод амиа алдагсдын тоо Газад 2300-аас давлаа. Шархдагсад нэмэгдэн 6500 хүн болжээ. Израилын талаас на барсан хүний тоо 1500 гарсан бөгөөд бараг 4000 хүн шархаджээ.
- Газаас иргэдээ авсан Украины онгоц нислээ.
- Сөргөлдөөнд амь үрэгдсэн тайландчуудын тоо 55 хүн болов.
- Оросын иргэдээс амиа алдагчдын тоо 16 болон өсөв.
Байлдааны ажиллагаа
- Сдерот хот руу ХАМАС ба Исламын жихад хөдөлгөөний дайчид довтолсон тул Израилын хүн амыг нүүлгэхээр эрх баригчид шийдэв. Беэр-Шева тосгоныг ХАМАС бөмбөгдөж, Ашкелонд агаарын түгшүүр дуугарч байв.
- Израильд эв санааны нэгдлээ илэрхийлэхээр очсон Германы Гадаад хэргийн сайд төлөөгчдийнхээ хамт Тель-Авивыг бөмбөгдөх үеэр хорогдох байранд оржээ.
- ХАМАС Бен-Гурионы нисэх буудлыг дахин бөмбөгдсөнөө мэдэгдлээ. Израилын хойд нутгийг онилсон нэг пуужинг угтуулан сөнөөж амжив.
- Бямба гарагийн шөнө Израилын арми Газ дахь ХАМАС-ын 750 байгууламжид цохилт өгөв.
- Израилын цохилтод 13 барьцаалагчид тэдний тоонд гадаадынхан үрэгдсэнийг ХАМАС мэдээлэв.
- Ливаны нутгаас Израил руу пуужин харвасны хариуд танк, их буугаар гал нээжээ.
Израилыг дэмжигчид н
Израильд хүрэлцэн ирсэн Пентагоны тэргүүн Ллойд Остин Ойрхи Дорнодод "мөнхийн энх тайвныг" хүсэж буй хүн бүрийг ХАМАС бүлэглэлийг буруушааж, тусгаарлахыг уриалав. Израилын Ерөнхийлөгч Йоав Галанттай хийсэн хамтарсан хэвлэлийн бага хурал дээр тэрээр мөн АНУ Израиль, Украинд нэгэн зэрэг дэмжлэг үзүүлэх боломжтой гэж мэдэгдэв. Галант хариуд нь Америкийн цэргийн тусламжтай хоёр дахь онгоцыг аль хэдийн илгээсэн гэж тэмдэглэв.
Израильд хүрэлцэн ирсэн Европын Комиссын тэргүүн Урсула фон дер Лейен мөн Тель-Авивын талд зогсож буйгаа хэллээ.
Байдлыг хурцатгах аюул
- Ираны Гадаад хэргийн сайд Хосейн Амир Абдоллахиян мэдэгдэхдээ, Израилын эсрэг тэмцлийн бусад фронтуудыг нээх боломж байгааг хэлжээ. Исламын улс орнууд “Израилын үйлдэж буй гэмт хэрэгтэй” эвлэрэх ёсгүйг тэр сануулав.
- Энэ цагаар Палестинтэй эв нэгдлээ илэрхийлэх жагсаал, цуглаан гаргахгүйн тулд Ливаны армийн эргүүлүүд хил залгаа районд гарч ирэв.
- Израилын арми Ливаны хилийн ойролцоох Метула хотод онц байдал тогтоов.
- АНУ-ын онгоц тээгч хоёр дахь хөлөг Газар Дундын тэнгист очих замдаа гарлаа.
