Энэ удаа Нобелийн хороо алдаа гарган шагналтнуудыг зарлахаас өмнө хэвлэлийн мэдээ түгээжээ. Цагаасаа өмнө зарлагдсан мэдээллийн дагуу энэ жилийн шагналтнаар Америкийн эрдэмтэд Мунги Бавенди, Луиc Брюс, Оросын химич Алексей Екимов нар тодорчээ.
“Квантын цэгүүдэд олон тооны сонирхолтой, ер бусын шинж чанар байдаг. Тэд хэмжээнээсээ хамааран янз бүрийн өнгөтэй болдогийг тэмдэглэх нь чухал” хэмээн Нобелийн химийн хорооны дарга Йохан Оквист өгүүлэв.
Квантын цэгүүд гэдэг нь нано бичил хэсгүүд бөгөөд хэмжээ нь шинж тэмдгийг илэрхийлдэг. Эдгээрийг QLED технологийн гэрлийн диод бүтээхэд хэрэглэнэ. Тухайлбал телевизийн дэлгэц мөн анагаахын багаж хэрэгслийн технологид ашигладаг.
“Хоорондоо харилцан хамааралгүйгээр Екимов, Брюс нар квантын цэгүүдийг бүтээж, Бавенди химийн үйлдвэрлэлд хувьсгал хийсэн” хэмээн Шведийн шинжлэх ухааны академи тодотголоо.
