Цахим орчинд идэвхитэй эрхмүүдийн төлөөлөл Б.Жаргалсайхан өөрийн фэйсбүүк хуудастаа Дундговь аймгийн Гурвансайхан суманд Салхитын мөнгөний орд илэрч хэсэг луйварчид хятадуудтай нийлэн цөлмөж байсан талаар өөрийн үзэл бодлыг илэрхийлжээ. Тэрбээр:
"Дундговь аймгийн Гурвансайхан суманд Салхитын мөнгөний орд илэрч хэсэг луйварчид хятадуудтай нийлэн цөлмөж байсан билээ. Эзэн хятадууд хувь хэмжээ, мөнгө төгрөг дээрээ мууцалдаж түүнийг дагасан авлига шүүгч нарыг тойрсонгүй. Энэ бүгдээс үүдэн 18 шүүгч авлига авсан нь тогтоогдож Гавъяат хуульч Бямбаа амиа хорлосон байдаг. УИХ-ын эрхэм дарга Г.Занданшатар цэрэг хөдөлгөн Маажин ууланд бүгсэн Жа ламтанг ичээнд нь дардаг шиг Салхитын ордод эзэн суусан хятадуудыг "даран сөнөөж" тэндээс олзолсон алт мөнгөөр Х.Баттулга ахмадуудын тэтгэврийн өрийг дарсан түүхтэй. Монголчуудын эзэмшилд орсон Салхитын орд "Эрдэнэс Силвер Ресурс" ХХК нэртэй болж Баянхонгорчууд дарга захирал нь болсон юм. Анхнаасаа буруу гараар явсан замбал болоод ч тэр үү Салхитын ордод хулгай зэлгий тасарсангүй. Уул уурхай хариуцсан үйлдвэр хариуцсан захирал Ж.Ганхөлөг даргын зөвлөх У.Соёл-Эрдэнэ гэх мэт үл бүтэх нөхөд үүрлэсэн байх юм. Баянхонгор аймгийн ИТХ-ын дарга байхдаа хуурамч архи үйлвэрлээд баригдсан Ж.Ганхөлөг, энд тэндээс хөөгдөөд явдаг У.Соёл-Эрдэнэ нар дураараа дургиж байна. Тэд ТЭЗҮ-г дахин хийлгэхээс гадна төлөвлөсөн ажлын хөлсөө нэмэгдүүлэн авах болжээ. Тухайлбал 6 тэрбумаар далан барихаар тусгасан хэдий ч хоёр тэрбум төгрөг нэмээд авах жишээтэй. Эндээс хоёр тэрбум төгрөг зүгээр авчихаж байх жишээтэй. Ингэж болох уу. Олон тэрбумын үнэтэй ТЭЗҮ-г дахин дахин хийлгэж буй нь хүртэл мөнгө төгрөг идэх улайрсан арга зам юм. Ерөнхий захирал С.Баярмөнх билэг тэмдэг төдий хойморт сууж доогуур нь эдгээр нөхдүүд маналзуулж байх жишээтэй. "Барын амнаас гараад чонын аманд оров" гэдэг шиг гадны луйварчнаас ард түмэнд эргэн ирсэн гэх жишээ Салхитын мөнгөний ордод ийнхүү хулгай нүүрлэсэн сурагтай. Цэцэг дамжин нисэх эрвээхэй гэдэгтэй адил энд тэндхийн хулгайд холбогдоод явдаг нөхдүүд Салхитын ордыг шал өөр тийш залав бололтой. Сахил хүртээд шал дордов гэдэг зүгээр ч нэг үг биш шүү" гэжээ.
