Сангийн сайд Б.Жавхлан сэтгүүлчдэд ирэх оны төсвийн төслийг танилцуулав. 2024 оны төсөвт орлогыг 25.3 их наядаар, зарлагыг 27.4 их наядаар тооцоолжээ. Төсвийн алдагдал 2.1 их наяд төгрөг гарсан байна.
Төсвийн орлого бүрдүүлэлтийг ихэд өөдрөгөөр тооцоолжээ гэхэд хилсдэхгүй нь. Нийт 60 сая тонн нүүрсийг тонныг нь 140 ам.доллараар, зэсийг тонныг нь 9000 ам.доллараар тооцож, 1.5 сая тонн, алт 20 тонн, төмрийн хүдэр 8.4 сая тонныг экспортлож, ДНБ 70 их наяд төгрөгт хүрнэ гэж үзжээ.
