УИХ-дахь АН-ын бүлгийн хуралдаанаас гаргасан шийдвэрийг танилцуулж байна.
С.Баярцогт "УИХ дахь АН-ын бүлэг өргөтгөж хуралдлаа. Ардчилсан намаас дараах шийдвэрийг гаргаж байна.
Нэгдүгээрт, УИХ-ын гишүүн, УИХ-ын АН-ын бүлгийн дэд дарга Н.Ганибалаар ахлуулсан үүсээд байгаа асуудалтай холбоотой ажлыг бүхэлд нь дүгнэж дуусгах хүртэл ажиллах, ажлын хэсгийг байгуулахаар боллоо.
Хоёрдугаарт, уг асуудал нь ойлгомжтой байгаа учраас Ерөнхий сайдад гурван албан тушаалтанд хариуцлага тооцох саналыг АН-аас хүргүүлж байна.
-Түгжрэлийн асуудал хариуцсан сайдыг ажлаас нь чөлөөлөх
-Нийслэлийн засаг даргыг мөн ажлаас нь чөлөөлөх
-Тагнуулын ерөнхий газрын даргын үйлдэл хуульд нийцсэн эсэхийг хянаж, ТЕГ-ын даргыг огцруулах
Гуравдугаарт, УИХ дээр хяналтын тусгай хороо байгуулах нь зүйтэй юм байна.Өнгөрсөн долоон жилийн хугацаанд олон нөхцөл шалтгаанаар олон тендерийг улсын нууцад авч шууд гэрээ хийсэн. Үүнд хяналт тавьдаг, дэд хороог байгуулж ажиллахыг АН-ын бүлгийн гишүүдэд даалгалаа.
Уг асуудлыг хамгийн анх хөндөж, АТГ-т хүргүүлсэн Үндэсний бодлогын хорооны гишүүн Ж.Энхбатад маш их дарамт, сошиал хаягаар болон мессежээр ирж байгаа. Тийм учраас Ж.Энхбатыг төрийн хамгаалалтад авахыг хүсэж байна. Мөн Солонгосын нэр хүндтэй компанийн нэрийг барьж, зохион байгуулалттай гэмт хэргийн шинжтэй үйлдэл гаргасан тул Олон улсын байгууллагуудад хандах нь зүйтэй гэж үзэж байна" гэлээ.
