УИХ дахь Ардчилсан намын бүлгийн хуралдаанаас гарсан шийдвэрийг танилцуулж байна.
Ардчилсан намын бүлгийн дарга О.Цогтгэрэл "Нэг компани тендерийн хууль зөрчиж, техникийн шаардлагад нийцээгүй техник аваад ирсэн асуудал биш болж хувирлаа. Мафижсан тогтолцооны авилгалын пирамидын нуралт болж байна. Бид гэрч болж байна. Төр оролцож байж хууль бус зүйл мафийн шинжтэй болдог. Сүүлийн үед шууд гэрээ гэж их хийдэг болсон. Нээлттэй тендер зарлаж олон нийтийг нээлттэй оролцуулдаггүй. Олон улсад нээлттэй тендер зарлах зүйлийг нээлттэй хийдэггүй, хаалттайгаар шууд гэрээ хийдэг. Шууд гэрээ хийдгээ улсын нууц гэдэг. Өмнөх нь нүүрсний гэрээ байна.
Өнөөдөр АН-ын бүлгийн хурлаар уг асуудлыг хэлэлцэж, зөвхөн ногоон автобус тойрч асуудлыг ярихгүй, өнгөрсөн долоон жилийн шууд худалдан авалт дээр анхаарал тавьж ажиллая гээд үүнд Н.Ганибал гишүүнээр ахлуулсан АН-ын ажлын хэсэг гарч ажиллахаар боллоо. Энэ бол асуудлыг өргөн хүрээнд, урт хугацаанд, нарийн мэргэшсэн байдлаар өргөн бүрэлдэхүүнтэйгээр ажиллах шийдвэрийг гаргалаа.
