Ж.Сүхбаатар сайд огцрох өргөдлөө Ерөнхий сайдад өгсөн талаар мэдээлэл хийлээ.
Тэрбээр "Ж.Сүхбаатар миний бие Монгол улсын сайд, Улаанбаатар хотын авто замын түгжрэлийн бууруулах үндэсний хорооны даргын үүрэгт ажлаас чөлөөлөгдөх хүсэлтээ Монгол улсын Ерөнхий сайдад гаргасан. Ажлаас чөлөөлөгдөх агуулга маань улс төрчийн хувьд эргэлзээтэй нөхцөл байдал үүсэж шалгалтын ажил явагдаж байна. Тийм учраас ёс зүйн хариуцлага үүрээд ажлаас чөлөөлөгдөх хүсэлтээ өгсөн. Надад гэмт буруутай, эрүүгийн хэргийн шинжтэй хийсэн үйлдэл байхгүй.
Засгийн газраас тавьсан зорилтыг хэрэгжүүлэх хүрээнд би хүлээсэн үүргийн дагуу 2023 онд нийтийн тээврийн тулгамдсан асуудлыг шийдвэрлэх чиглэлд төсвийн ерөнхийлөн захирагчийн хувиар ажилласан. Гэвч иргэдийн дунд эргэлзээтэй нөхцөл байдал үүсгэсэн асуудал гарлаа. Үүнд би гүйцэтгэгч, нийлүүлэгч талд шаардлагаа тавьсан тухайн компанийн төлөөлөл ирж хэвлэлийн хурал хийсэн гэдгийг та бүхэн мэдэж байгаа" гэлээ.
