"Тэнүүн-Огоо" ХХК-ийн захирал, Гавьяат тээвэрчин А.Ганхуягийн албан өрөө болон гэрт өчигдөр орой хойшлуулшгүй ажиллагааны хүрээнд АТГ, ЭЦГ-ын шуурхай шалгах ажлын хэсгээс нэгжлэг хийсэн байна. Хэдийгээр тэрээр "Zyle motors"-оос одоогийн байдлаар оруулж ирсэн "Daewoo" автобусыг буцаах хүсэлт тавьсан гэж байсан ч түүнийг хууль бус ажиллагаанд оролцсон байж болзошгүй гэж үзсэн учраас шалгаж эхэлсэн бөгөөд ШШГЕГ-ын харьяа Цагдан хорих 461 дүгээр ангид саатуулсан гэнэ.
А.Ганхуягтай хамт Тэнүүн-Огоо компанийн гүйцэтгэх захирал Ж.Эрдэнэбат, нийслэлийн Худалдан авах ажиллагааны газрын хэлтсийн дарга Б.Түмэнжаргал, мэргэжилтэн Ш.Баярсүх нарыг 3 хүний саатуулжээ.
Мөн "Zyle motors"-той "Daewoo" автобус худалдан авах ажиллагаанд оролцсон Нийслэлийн ЗДТГ-ын дарга И.Баатархүү, нийслэлийн худалдан авах ажиллагааны газрын дарга Г.Энхтайван нарыг ЭЦГ-т дуудан байцаасан байна.
