Говьсүмбэр аймаг дахь Шүүхийн шийдвэр гүйцэтгэх газрын харьяа 425 дугаар нээлттэй хорих ангид Д.Сүндий авлигын хэргээр ял эдэлж буй.
Тэрбээр магадлангаар суллагдах хүсэлтээ Говьсүмбэрийн шүүхэд гаргасан ч, цуцалжээ. Тодруулбал, түүнийг сахилгын шийтгэлтэй тул магадлангаар суллах боломжгүй гэж үзэж зөвшөөрөхгүй буцаасан аж.
Түүний магадланд орох боломж уг нь энэ есдүгээр сард нээгдсэн юм. 36 сарын ял сонссон Д.Сүндий 21 сар бүрэн хоригдоод суллагдах боломжтой болсон байсан гэсэн үг.
2021 оны арванхоёрдугаар сарын 03-ны өдрөөс эхлэн хоригдоод өдгөө 22 дах сарынхаа нүүрийг үзэж байна.
