Монгол улсын Ерөнхийлөгч асан Х.Баттулгыг Ардчилсан намын даргаар бүртгүүлэх хүсэлтээ түүнийг дэмжигч АН-ынхан дөрөвдүгээр сарын 13-нд Улсын дээд шүүхэд өргөн барьж байсан билээ. Уг хүсэлтийн дагуу УДШ-ийн нийт шүүгчдийн хуралдаан өнөөдөр товлогдсон юм. Гэтэл АН-ынхан хүсэлтээ буцаан татаж байгаагаа өнөөдөр өглөө мэдэгджээ.
АН-ын Дотоод сонгуулийн хорооны дарга И.Мөнхжаргал: -Өчигдөр УДШ-ээс гаргасан мэдэгдлийн хариуг бид нар өнөө өглөө оруулж өглөө. Мэдэгдэлд "Шүүн таслах ажиллагаа" гэж буруугаар яриад байгаа учир, "Ийм шүүхээр асуудлыг шийдвэрлүүлэхгүй. Х.Баттулгыг АН-ын даргаар бүртгүүлэх хүсэлтээ түр буцаан татлаа" гэх утгатай хариуг бид өгсөн юм. Тэгэхээр өнөөдөр ямар ч шийдвэр гарах боломжгүй. Шүүх хэлэлцээд хариу өгөхөөр яагаад бүртгүүлэх хүсэлтээ түр буцааж авч байгаагаа хэвлэлийнхэнд тайлбарлана" гэв.
