НЭМЭЛТ: 10.30 цаг
МАН-ын бүлгийн өнөөдрийн хуралдаан цуцлагджээ. Ямар шалтгааны улмаас цуцлагдсан нь одоогоор тодорхойгүй байна.
Тэд ирэх оны төсвийн төсөл хэлэлцэх учиртай байсан. Гэхдээ Засгийн газраас маргааш УИХ-д өргөн барих бөгөөд өргөн баригдаагүй төслийг бүлэг түрүүлж хэлэлцэх ёсгүй тул ийн хурлаа цуцалсан байж болзошгүй.
Улсын төсвийг арваннэгдүгээр сарын 15-нд багтаан батлах учиртай билээ.
ЭХЛЭЛ: 08.00 цаг
-МАН-ын бүлэг өнөөдөр хуралдаж, төсөв хэлэлцэнэ-
Ирэх оны төсвийн төслийг Засгийн газраас маргааш /2023.09.29/ УИХ-д өргөн мэдүүлэх тухай бид өмнө нь мэдээлсэн.
Үүнтэй холбоотойгоор МАН-ын бүлэг өнөөдөр /2023.09.28/ хуралдаж, төсвийн асуудлыг хэлэлцэхээр төлөвлөжээ. Тодруулбал, эрх баригч намын бүлэг төсвийн талаарх ажлын хэсгийн санал, дүгнэлтийг сонсож, томоохон зарчмын зөрүүтэй асуудлуудаа ярьж, саналаа нэгтгэнэ гэсэн үг.
Ирэх долоо хоногийн даваа гараг буюу аравдугаар сарын 2-нд УИХ-ын намрын чуулган нээлтээ хийнэ. Чуулганы эхэнд Монгол Улсын 2024 оны төсвийн тухай, Нийгмийн даатгалын сангийн 2024 оны төсвийн тухай, Эрүүл мэндийн даатгалын сангийн 2024 оны төсвийн тухай зэрэг хуулиудыг хэлэлцэх юм.
