ОХУ-ын Төрийн Думын дарга Сергей Володин Монгол Улсад айлчлаад буцсан. Тэгвэл түүнтэй зөрж ОХУ-ын Онцгой байдлын яамны тэргүүн Куренков Монгол Улсад ажлын айлчлал хийхээр иржээ. Энэхүү ажлын айлчлалаар юу хийхээр төлөвлөж байгаа нь төдийлөн тодорхой бус байна. Ямартай ч Шадар сайд С.Амарсайхантай уулзжээ. Тэдний уулзалтын үеэр Куренков Шадар сайд С.Амарсайхан нар Куренковын зургийг дундаа барьсан байгаа нь цахим хуудаснаа шүүмжлэл дагуулаад байна. Учир нь жиргээчид Куренков өөрийнхөө зургийг Шадар сайд С.Амарсайханд өглөө хэмээн шүүмжилж байна.
Тухайлбал, Нэгэн жиргээч: "1920 онд генерал Сюй Шү Жан Их Хүрээг эзлээд Богдыг Хятадын ерөнхийлөгчийн хөрөгт хүчээр мөргүүлж байсан гутамшигт түүхийг санагалзуулах мэт Оросын нэг хурган дарга ирээд л Монголын төрөөр даажигнаж өөрийнхөө хөргийг хүлээлгэж өгдөг ямар гээгчийн новшийн цаг үед амьдарч байна бид..." хэмээжээ. Гэхдээ зарим нэг нь "Куренковт өөрийнх нь зургийг угаалгаж өгсөн" хэмээн үзэж байна. Юутай ч оросыг үзэн ядагч, хэт үгүйсгэгч хүмүүс Монголд олширсон нь сүүлийн хэд хоногт анзаарагдаж байна.
