Өвөрхангай: Морин спорт уяачдын "Арвагар хээр" холбооны тэргүүлэгчдийн саналыг үндэслэн улс, бүс, аймгийн хэмжээнд амжилт гаргаж, болзол хангасан 14 уяачид "Аймгийн алдарт уяач" цол олголоо. Аймгийн Засаг дарга А.Ишдорж цол нэмсэн уяачдад баяр хүргэсэн бөгөөд "Коронавирусний улмаас хөл хорио тогтоож, олон тэмдэглэлт ой, баяр наадмыг хойшлуулсан нь уяачдын хүч хөдөлмөрт сөргөөр нөлөөлсөн тал бий. Гэхдээ нийт иргэдийнхээ эрүүл мэнд, амь насыг хамгаалах нь чухал байсан" гэдгийг хэллээ. Цаашид ч малын шүлхий, бусад халдварт өвчлөл аймгаас аймаг дамжин тархаж байгаа тул зүүн аймгуудаас хурд авахдаа болгоомжтой хандахыг уяачдаас хүссэн юм.