Монгол улсад гадны хөрөнгө оруулагчдыг хохироодог, шүүхээр явдаг асуудал нэлээдгүй их гардаг. Тэгвэл Гурвансайхан компанийн асуудлаар эдийн засаг хөгжлийн сайд Ч.Хүрэлбаатараас тодрууллаа.
Тэрээр" Манай яаманд хөрөнгө оруулалт, худалдааны агентлаг шинээр байгуулагдсан. Монгол улсад хуучин энэ төрлийн байгууллага байдаг байсан хэдий ч татан буугдсан хугацаанд хөрөнгө оруулагч нар хаана хэнд хандахаа мэддэггүй байсан. Энэ агентлаг байгуулагдсан цагаас эхлээд хөрөнгө оруулагч нар гомдлоо гаргаж эхэлсэн. Энэ төрлийн гомдлыг улирал бүр Засгийн газрын хуралдаанд танилцуулдаг, холбогдох сайд нарт үүрэг өгдөг. Чех улсын тус компани одоогоор манай яаманд хандаагүй байна. Хандаад ирвэл хөрөнгө оруулагчдынхаа эрх ашгийг хамгаална.
Сэтгүүлч: Тухайн Чех улсын хөрөнгө оруулагч компани арбитрын шүүхэд хандахаар болсон байна лээ. Үүнд Засгийн газар яаж ажиллах боломж байгаа вэ?
Ч.Хүрэлбаатар: Мэдэхгүй эхлээд бид гомдлыг нь хүлээж авч мэдмээр байна. Сайн судлаад эргээд мэдээлэл өгвөл бодитой мэдээлэл өгч чадна.
Сэтгүүлч: Засгийн газар хөрөнгө оруулагчдыг үргээхгүй, харин татах зорилго байгаа шүү дээ. Энэ мэт асуудалд урьдчилан сэргийлэх арга байгаа юу?
Байгаа. Үүний тулд хөрөнгө оруулалтын тухай хуулийг Улсын Их хуралд өргөн мэдүүлсэн байгаа. Ер нь хөрөнгө оруулагчдын хохирсон мөнгийг татвар төлөгчдийн мөнгөнөөс төлөх эрсдэл үүснэ. Тийм учраас энэ асуудалд маш нарийн хандахгүй бол цаана нь хөрөнгө оруулагчдын эрх ашиг хохирч байгаа.
Маргаан бол байдаг, шийдэгддэг журмаараа шийдэгдэнэ. Гэхдээ аль болох ийм асуудал гаргахгүй байхын төлөө ажиллах ёстой, хөрөнгө оруулалтын хуульд өөрчлөлт оруулаад өргөн мэдүүлсэн. Үүнийг хурдан шийдвэл хөрөнгө оруулагчид өөрсдийнхөө эрх ашгийг хамгаалж чадна. Уучлаарай би энэ талаар сайн мэдэхгүй байна" гэв.
