БНСУ-д бүлэг хүмүүсийн гарт зодуулж, нас барсан иргэний ар гэрийнхэн өнөөдөр /2023.09.26/ мэдээлэл хийлээ.
Талийгаачийн төрсөн эгч А.Болормаа:
-Манай дүү БНСУ-д ажиллаж байхдаа захирлаасаа 12 сая воноо авч, эх орон руугаа буцах хүсэлтэй байгаагаа хэлсэн. Гэвч бүлэг хүмүүс дүүг маань зодсон байсан. Тухайн үед дүү маань зодуулсан гэдгээ надад хэлэлгүй, үеэлүүдэд хэлсэн байсан. Дүүгийн минь хэрэг Өмнөд Солонгосын драм шиг юм болж байна. Дүү маань эзэнгүй шинэ байранд нас бараад 20 хоног хоносон. Монгол орчуулагч нь тэр үед "Захирлыг уурлуулж болохгүй" гэж хэлж байсан. Захирлыг нь 3.5 сая воноор торгосон, тэр зардлыг биднийг төл гэж хэлсэн. Би 2021 оны зургадугаар сарын 30-ны өдөр дүүгээ нас барсныг дуулж, дүүгийнхээ цогцост задлан хийлгэхгүй гэдэг хүсэлтээ хэлсэн. Гадаад харилцааны яаманд очоод дүүгийнхээ цогцосыг авья гэхэд 70-80 сая төгрөг болно гэсэн.
Би эхээсээ хоёулаа. Би ганцаараа үлдээд байна. БНСУ дахь Консулын албаныхан зөвшөөрөөгүй байхад дүүгийн минь цогцост задлан хийсэн байсан. Би өнөөдөр БНСУ-д хэргээ шүүлгэхээр очиход чандрын газар бүртгэлгүй байна гэсэн. Бид маш их гайхаж байна.
Дүүгээ алдсан иргэн А.Болормаа болон түүний ээж, ар гэр БНСУ-д суудаг Монголын Элчин, Консулд хандаж үзсэн ч арга мухардсанаа учирлаж байлаа.
Дүүгээ нас барсныг сонсоод өмгөөлөгчид хандахад задлан шинжилгээ хийлгэж болохгүй гэж зөвлөж байсан ч аль хэдийнэ ар гэрийн зөвшөөрөлгүйгээр БНСУ-д задлан шинжилгээ хийсэн байжээ. Талийгаач нас бараад 20 гаруй хоносны дараа цогцсыг нь амьдарч байсан өрөөнөөс нь олсон ба цогцосны зургийг явуулсан ч дүүгээ гэж таних боломжгүй байгаа тул мөн эсэхэд нь эргэлзэж байгаа гэв.
Дүүгээ алдсан иргэн А.Болормаа болон түүний ээж, ар гэр БНСУ-д суудаг Монголын Элчин, Консулд хандаж үзсэн ч арга мухардсанаа учирлаж байлаа.
