Согтуугаар тээврийн хэрэгсэл жолоодож өөрийн болон бусдын эрүүл мэнд, амь насанд халдаж хохироох явдал газар авч, оногдуулах хариуцлага нь хөнгөн байгаа талаар олон нийт шүүмжилж буй.
Тэгвэл согтуу жолоочид эрүүгийн хариуцлага хүлээлгэдэг болох талаар ХЗДХ-ийн яамны Төрийн нарийн бичгийн дарга П.Сайнзориг өөрийн цахим хуудаснаа нийтэлжээ.
Тэрбээр "Согтуурсан буюу согтууруулах ундаа хэрэглэсэн үед тээврийн хэрэгсэл жолоодож хүний эрүүл мэндэд хүндэвтэр хохирол учруулбал эрүүгийн хариуцлага хүлээж байгаа зохицуулалтыг өөрчилж, чангатгах бодлогыг ХЗДХЯ-ны зүгээс баримталж байгаа. Өөрөөр хэлбэл цаашид хүний эрүүл мэндэд хүндэвтэр хохирол учруулсан эсэхэс үл хамаарч согтууруулах ундаа хэрэглэсэн хүн тээврийн хэрэгсэл жолоодсон бол ЭРҮҮГИЙН ХАРИУЦЛАГА хүлээлгэдэг болгох өөрчлөлтийн төслийг Засгийн газар танилцуулж, УИХ-д өргөн барихаар төлөвлөж байгаа болно" гэжээ.
