УИХ-ын гишүүн Б.Энхбаяр ХЭҮК-ын даргыг түр орлон гүйцэтгэгч Ж.Хунанд албан бичиг хүргүүллээ. Тодруулбал, ХЭҮК Дэлхийн хэвлэлийн эрх чөлөөний индекст манай улс 22 байраар ухарсан үндэслэл, шалтгааныг хэрхэн дүгнэж, энэ дүгнэлтийг залруулж, урагшлуулах талаар ямар арга хэмжээ авах төлөвлөгөө байгаа талаар хариу ирүүлэхийг хүсчээ.
Тэрбээр цахим хуудсандаа "Дэлхийн хэвлэлийн эрх чөлөөний индекст манай улс 22 байраар ухарч “ардчилсан бус” улсад тооцсонд дүгнэлт хийж, бодит үйлдэл хийх шаардлагатай байна. Юун түрүүн Эрүүгийн хуульд зааснаар гүтгэж, доромжиллоо гэж эрүүгийн шүүх, цагдаагаар улс төрчид нь иргэд, сэтгүүлчдээ ялладгаа больё" хэмээн бичжээ.
