Нийслэлийн хүн амыг эх орны хөрсөнд ургасан, эрүүл, аюулгүй, чанартай, хямд төмс, хүнсний ногоогоор хангах зорилгоор Улаанбаатар хотын ерөнхий менежерийн А/194 дүгээр тушаалаар өргөтгөсөн худалдаа зохион байгуулж эхэлсэн. Тодруулбал, нийслэлийн есөн дүүргийн 31 байршилд “Алтан намар-2023” төмс, хүнсний ногооны өргөтгөсөн худалдаа гарч байна.
Өргөтгөсөн худалдаа наймдугаар сарын 2-нд эхэлсэн бөгөөд арваннэгдүгээр сарын 1-нийг хүртэл үргэлжлэх юм. Тариаланч, ногоочид наймдугаар сарын 2-ноос есдүгээр сарын 16-ныг хүртэлх хугацаанд ойролцоогоор гурван тэрбумын үнийн дүн бүхий 2000 тонн төмс, хүнсний ногоо борлуулжээ.
